આંખ્યુંના આંજણમાં ફાગણનો કેફ : :  : :  આંખ્યુંના આંજણમાં ફાગણનો કેફ



આંખ્યુંના આંજણમાં ફાગણનો કેફ અને અંબોડે કેસૂડો લાલ!
રંગને સુગંધના સરવરિયે સંગ સંગ સાંવરિયા રમવાને ચાલ

આવતા ને જાતા આ વરણાગી વાયરાએ મચાવ્યાં છે ઝાઝાં તોફાન
ભૂલીને ભાન ભ વર ભમતો ભમે છે આજ પુષ્પોના અમરતને પાન
આંબલિયે બજવે છે કોકિલ બાંસૂરિયા અંતરને ઊંડે ઉછાળ
રંગને સુગંધના સરવરિયે સંગ સંગ સાંવરિયા રમવાને ચાલ…

લૂમઝૂમની મંજરીની હરિયાળી મ્હેક મારી મબલખ જગાવે છે ઝંખના
નજરૂને હેરી ને જોયું જરીક….કેવાં ઊંડે પતંગિયા અજંપનાં!
થઈને ગુલાલ આજ રંગે ધરાની ધૂળ વાયરાના રેશમી રૂમાલ
રંગને સુગંધના સરવરિયે સંગ સંગ
સાંવરિયા રમવાને ચાલ…

-સુરેશ દલાલ
અહીં નીચે આપેલ લિંક પર ક્લિક કરી સાંભળીએ : : : : : : : : https://youtu.be/kGiXchMkMLU?si=FCXOrVpLRgOjVpXr
સ્વર: માલિની પંડિત- આરતી દવે
સ્વરાંકન : ક્ષેમુ દિવેટીયા : : આલ્બમ : સંગીત સુધા : :  🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 અર્થ નિર્દેશ આસ્વાદ કાવ્યાર્થ વિચાર વિ જયરાજ pending visit this post again later on to enjoy the appreciation of the song : : : : માર્ચ ૧૦ , ૨૦૨૨ : : ફાગણ સુદ આઠમ : : પૂણે ઈન્ડિયા : : : : :

મારે સૂની વસંત નહીં જોઈએ  : : સુરેશ દલાલ : : : :

મારે સૂની વસંત નહીં જોઈએ !

ક્યાં છે કોકિલનો મીઠેરો ટહુકો રે રાજ ?

મારે સૂની વસંત નહીં જોઈએ : આવી અણગમતી વાત તમે મૂકો રે આજ : મારે સૂની વસંત નહીં જોઈએ !

ભલે ડોલે છે ડાળ છતાં ફૂલો ઉદાસ : કૂણી પાંદડીની પાળ નહીં તોડે સુવાસ. ફૂલે ભમરા પણ ઝૂકે છે સમજી રીવાજ :

મારે સૂની વસંત નહીં જોઈએ !

— સુરેશ દલાલ

મારે સૂની વસંત નહીં જોઈએ : સુરેશ દલાલ  : અર્થ નિર્દેશ આસ્વાદ કાવ્યાર્થ વિચાર વિ જયરાજ પૂણે ઈન્ડિયા પેન્ડિંગ .. . માર્ચ  ૨૭, ૨૦૨૫ : : : : : : : :

https://youtu.be/sS6SiNkg6Hk

મને ફાગણનું એક ફૂલ આપો, કે લાલ મોરા
કેસૂડો કામણગારો જી લોલ.

વનની વાટે તે વ્હાલા એક ફૂલ દીઠું લોલ,
એકલ હો ડાળ, એક એકલડું મીઠું લોલ,
મેં તો દીઠું દીઠું ને મન મોહ્યું, કે લાલ મોરા,
કેસૂડો કામણગારો જી લોલ.

ઉત્તરના વાયરાએ ઢંઢોળ્યાં વન લોલ,
જાગી વસંત, કૈંક જાગ્યાં જીવન લોલ,
મેં તો સુખડાંની સેજ તજી જોયું, કે લાલ મોરા,
કેસૂડો કામણગારો જી લોલ.

રૂપલિયા વાટ મારી રૂપલિયા આશ લોલ,
સોનલા સૂરજ તારા, સોનલ ઉજાસ લોલ,
તારી વેણુમાં વેણ મેં પરોવ્યું, કે લાલ મોરા,
કેસૂડો કામણગારો જી લોલ.
” ફાગણ ફૂલ”
-સુન્દરમ્  ( ૧૯૦૮ – ૧૯૯૧ ) : : ( મુદિતા, ૧૯૯૧, પૃ. ૬૨ ) : : અહીં ઉપર મથાળે ક્લિક કરીને સાંભળીએ : : : : સ્વર : ગાર્ગી વોરા : ( ૧ ) : સ્વરાંકન : સંગીત : પરેશ નાયક : : આલ્બમ : શબ્દ પેલે પાર ( રિલીઝ: માર્ચ ૬ , ૨૦૧૪ ) : : અહીં નીચે ક્લિક કરીને સાંભળીએ : સ્વર : અમર ભટ્ટ : ( ૨ ) : : સ્વરાંકન : અમર ભટ્ટ : : અને , કલ્યાણી કૌથાલકર ના સ્વરમાં  ( ૩ ) : : સ્વરાંકન અમર ભટ્ટ : : : : આલ્બમ : શબ્દ નો સ્વરાભિષેક -૫ :  🌹 https://tahuko.com/?p=10703 મને ફાગણ નું એક ફૂલ આપો : સુંદરમ્ : : : : : : : 🌹 🌹 🌹 🌹 🌹 🌹 🌹 🌹 🌹 🌹 🌹 🌹 🌹 🌹 🌹 🌹 🌹: : ::  અર્થ નિર્દેશ આસ્વાદ કાવ્યાર્થ વિચાર વિ જયરાજ pending visit this post again later on to enjoy the appreciation of the Song : : : : માર્ચ ૯ , ૨૦૨૨ : :  ફાગણ સુદ આઠમ : : પૂણે ઈન્ડિયા : : : : : : : : : : : : :

https://youtu.be/q-byRuexwwY

https://drive.google.com/file/d/1FUqdrLOGpP06SFn3Hh-8sW-TDk432yj7/view?usp=drivesdk

અલી તારું હૈયું કેસૂડાનું ફૂલ
અલી તારું હૈયું કેસૂડાનું ફૂલ
હેજી… વ્હાલપને ને વગડે શું ઝબકયું ગોકુળ
ઓલ્યું કેસૂડાનું ફૂલ
અલી તારું હૈયુ કેસૂડાંનું ફૂલ

ફાગણિયા ને ફેંટે દીઠું કેસૂડાનું ફૂલ
હેજી… આંટે આંટે અટવાતું હૈયું થાતું ડૂલ
ઓલ્યું કેસૂડાનું ફૂલ
અલી તારું હૈયું કેસૂડાનું ફૂલ

પ્રીતિની પાંદડીને કેસૂડાનો રંગ
હેજી….. ફોરમ એની ફરકંતી, નાહોલિયાની સંગ
હેજી….. જોબનિયું જાગ્યું રે એનું વણમાંગ્યું લો મૂલ
ઓલ્યું કેસૂડાનું ફૂલ
અલી તારું હૈયું કેસૂડાનું ફૂલ.

-ભાસ્કર વોરા

સ્વર : હંસા દવે
સ્વરાંકન : ક્ષેમુ દિવેટિયા : સ્વર : ગાર્ગી વોરા :નીચે ક્લિક કરો: https://youtu.be/80aBUV_bTvc?si=PLjImLi9i4YOGksf   : : આલ્બમ  : પાછલી તે રાતનો પડછાયો ( ગાર્ગી વોરા ના ગીતો ) : : : :  🌹 🌺 🌹 🌺 🌹 અર્થ નિર્દેશ આસ્વાદ કાવ્યાર્થ વિચાર વિ જયરાજ pending visit this post again later on to enjoy the appreciation of the Song : : : : માર્ચ  ૮ , ૨૦૨૨ : : ફાગણ સુદ છઠ : : : : પૂણે ઈન્ડિયા : : : :

એના હૈયે પણ ન જાણે લ્હાય શી લાગી હશે , ફાગણે જ્યાં ફૂલ ગુલાબી ઓઢણી બાંધી હશે. ભર વસંતે કોણ રાગી કોણ બૈરાગી હશે , પ્રકૃતિ એ પારખું કરવા શરમ ત્યાગી હશે. એ રીતે ઝબકીને દિલની ઝંખના જાગી હશે, ઉંઘતી રાધા હશે ને વાંસળી વાગી હશે. શ્વાસ અલગારી હશે ઉચ્છ્વાસ વરણાગી હશે, જ્યારની’ થી મુંઝવણ મનમાં થવા લાગી હશે. જ્યાં તમન્ના ત્યાં જ નિષ્ફળતા ય ઝંખે છે ‘ગની’, હોય જ્યાં હૈયું તો હૈયે ચોટ પણ લાગી હશે. – ગની દહીંવાલા : : : : સ્વર : ગાર્ગી વોરા : : સ્વરાંકન : સંગીત : ડો. ભરત પટેલ : : : : આ ગઝલ હમણાં ઉપલબ્ધ નથી : : : : : : : : : અર્થ નિર્દેશ આસ્વાદ કાવ્યાર્થ વિચાર વિ જયરાજ pending visit this post again later on to enjoy the appreciation of the Song : : : : : : માર્ચ ૭ , ૨૦૨૨ : : ફાગણ સુદ પાંચમ : : પૂણે ઈન્ડિયા : : : : : : : : : : : :

https://youtu.be/PO_o0ppN0zU

તમે એ ડાળ છો જે ડાળ પર પહેલું સુમન લાગે,
હું એવું પુષ્પ છું : મહેંકી રહું જ્યાં જ્યાં પવન લાગે.

કહ્યું છે સાવ મોઘમ, યોગ્ય જો તમને સૂચન લાગે,
ઘડીભર ખોરડું મારું મને ચૌદે ભુવન લાગે.

દિવસ ને આવવું હો તો વસંતોમાં વસી આવે,
સૂરજને સૂંઘીએ તો રોજનું તાજું સુમન લાગે !

ઊભો છું લઈને હૈયા-પાત્ર, યાચું કંઈક એવું કે,
જગત નિજની કથા સમજે, મને મારું કવન લાગે.

ઘણું ભારણ છે જીવનમાં, છતાં એક બોજ એવો છે,
ઉપાડો તો સહજ લાગે, ઉતારો તો વજન લાગે !

મનોમન વ્યગ્ર થઈ મનને મનાવી તો જુએ કોઈ,
હૃદય આ લાડકું, રિસાયેલું કોઈ સ્વજન લાગે.

‘ગની’, સંઘરેલ તણખાને હૃદયથી વેગળો કરીએ,
કોઈ સદભાગી હૈયે આપણા દિલની જલન લાગે.

– ગની દહીંવાલા : : : : સ્વર : ગાર્ગી વોરા : : સ્વરાંકન : સંગીત : ડો. ભરત પટેલ : : : : : : : : : 🌹 અર્થ નિર્દેશ આસ્વાદ કાવ્યાર્થ વિચાર વિ જયરાજ pending visit this post again later on to enjoy the appreciation of the Song : : : : માર્ચ ૪ , ૨૦૨૨ : : ફાગણ સુદ બીજ : : પૂણે ઈન્ડિયા : : : : : : : : : : : :